（補１６／７個篇）

臨去遊學團前既一日，所有應帶既野都執完喇，已經ｒｅａｄｙ好去Ｎｅｗ　Ｚｅａｌａｎｄ。其實我係十分之唔想去囉，只係想快ｄ完結～

１２點幾起身→好鬼遲ｔｉｍ，好驚去到個度無得訓到咁遲囉，好痛苦加麻～２點鐘同Ｂｉｌｌｙ＆女人一齊去肥Ｋｅｌ屋企玩，玩到９點幾先走佬，好開心啊！好耐都無玩到咁夜喇！同女人傾左陣計，搞到我有ｄ掛住屋企ｔｉｍ，早知唔同佢傾啦，我諗我都係頭３、４日唔習慣姐，之後就適應嫁喇。最後搞掂埋分房既問題，好喇→完成任務ｌｕ，系去紐西蘭既時候，作埋ｄ「情深說話未曾講」同埋「大電視」ｄ題目，就大功告成！

Ｐ．Ｓ　各位好友，再見喇，８月９見啦，唔洗擔心我嫁喇，我會好好照顧自己嫁喇（好似當左你地係我阿媽～），手信方面．．．盡量啦，我諗個度ｄ羊奶會幾好飲既～Ｉ　ｍｉｓｓ　ｙｏｕ！

（補１４／７個篇）

尋晚只係訓左３粒鐘多少少，ｂｅｃｏｚ要完成埋契爺本紀念冊，寫到成３點幾先訓，今朝７點鐘就起身，嚴重唔夠訓囉！

今日係呢年最後１日返學，個死人結業禮好鬼長，企到隻腳好累啊。返上去派成績表，今次考第７，都算滿意嫁喇，自己系考試期間面對咁大壓力都頂得住，算係咁啦（自己讚自己）～入左４Ｅ（最唔滿意就係呢樣，唔係唔滿意成績），以我所知，Ｂｉｌｌｙ、大碌、鴕鳥、旻恩、Ｙａｓｍｉｎ、眼眉＆女人，都幾多人喎～

放學去左同姑姑飲茶，超爆多人囉→１７個啊，誇張到死～埋單個時要成＄７００幾蚊，每人要夾＄４３，淨番個ｄ姑姑俾，好多謝你啊！飲完去左Ｄｏｎｎｙ屋企玩，有批系度打牌、有批「鋤Ｄｅｅ」、有批唱Ｋ，好鬼死好玩啊～

５點鐘返番去學校ＢＢＱ，點知唔夠爐，最後變左３Ｃ既一堆打邊爐，仲好→唔洗咁熱。８點３，開始玩ｇａｍｅ，吉吉＆鴕鳥走左，第１個ｇａｍｅ好無聊囉，鬥快潑水，又唔係潑得多喎。玩完第１個ｇａｍｅ，Ｂｉｌｌｙ都就埋，錯過左睇好好玩既「開口中」囉，輸左個個要俾１０幾個淋水喎，當然我係有份淋人啦，超爆正！唔知玩左幾多鋪之後，就變左係唔係都潑水喇，幾十八個人圍住個操場係咁跑、係咁潑水，玩到成件衫濕晒，又無帶多件衫喎～９點幾就走人ｌｕ。

Ｐ．Ｓ　鬼叫你同個人有仇，如果唔係你入左４Ｅ啦，ｂｕｔ都係隔離班姐。

Ｐ．Ｐ．Ｓ　仲有２７日就去完個ｃａｍｐ喇！

（補１３／７個篇）

Ｆ３最後１個班際比賽，亦都係我地分班前最後１次出既班際比賽→Ｑｕｉｚ。第一個回合：學科題，完晒５班後我地只係排第４，但係到左第二個回合：搶答題，情況就完全唔同囉，大拋離人地，最終以９４０分奪得冠軍，太美好喇→係１個好既ｅｎｄｉｎｇ。我自己答得麻麻地囉，第１條ＭＣ撞唔中，第２條ＭＣ都係多得鴕鳥提水先識，ｔｈａｎｋｓ～

Ｑｕｉｚ完左之後，飛左去打羽毛球，有我啦、吉吉、高人、肥豬＆哈ｍｏｎｙ，打左兩粒鐘，好累呢～打完去左哈ｍｏｎｙ屋企打牌，呢兩個禮拜不停打牌，打到悶喇。今次哈ｍｏｎｙ同肥豬第１，如果我唔係最尾個幾鋪連續食，有機會包尾呢，好彩高人爭左呢個位黎做。Ａｂｏｕｔ６點幾就走人ｌｕ～

之後去左ＹＭＣＡ開會，今次又整ｄ麻煩既ｐｒｏｊｅｃｔ黎做，好鬼黑人憎啊，我想快ｄ完左呢次既遊學團啊！